Energie för heel Europa

3 / 14

Unner Hör Foten sünd over de Maten groot Soltbargen, de Hunnerten van Meters deep anfangen un en paar Dusend Meters deep in de Grund gahn. In disse Soltbargen wurren mit hoog Waterdruck mehr as 400 Meters hoog un an de 100 Meters breed Hollen spöölt. In disse Hollen, de ok Kavernen nöömt worden, lagert dat Eerdgas, dat in Europa för dat Heizen un för dat Maken van Stroom nödig is. 

Vör de Ukrainekrieg kweem dat Gas, dat hier lagert word, vör all ut de sibiriske Gasfelden. Vandaag kummt dat Gas ut Naberlannen in Europa, vör all is dat dat so benöömde Liquefield natural Gas (LNG), dat mit Schippen an de groot LNG-Terminals an de Noordseeküst an Land brocht word.

Vör de Achtergurnd van de minskenmaakt Klimawannel word in de komende Jahren ok in Düütskland dat heel Energierebett mehr un mehr up vernejerbare Energien umstellt. Daarbi sall woll Waterstoff en heel groot Rull spölen – vör all een Mögelkheid, mit de süver Energie ut Wind un Sünnenlücht lagert worden kann. Daarum worden in Jumgum Kavernen boot, in de denn de so benöömde Gröön Waterstoff lagert word. Daarmit winnt de Bedüden för de Energiesekerheid in heel Europa van de Lagers hier in Jem‘m in de komende Jahren noch maal düdelk an.