Mil‘m - Scheev Klocktoorn

Hören (Audio)

Leesen (Text)

Willkomen in Mil‘m – dat Pisa van dat Rheiderland! De Klocktoorn tegen de reformeert Kark van dat Dörp is en lüttje „Weltsensation“. Denn hier hangt de Klangsegen dör de Klocken scheev: Dat 14 m hoog Boowark hett en Neigungswinkel van sowat 6,7 Graad un gellt daarmit as de scheevste Klocktoorn van de Welt. Wahrschienelk wurr he in dat 13. Jahrhunnert boot. Al in de Tied muss de Boomeister sük mit de stuur Vörutsettens in de Grund rumslaan. De Toorn weer dotieds al scheev. Binnen in dat Boowark hangen twee Klocken, de ut de Jahren 1796 un 1961 sünd. 

Man: Well hett de Scheevste? Jahrteihntenlang geev dat en Weddstried tüsken de Klocktoorn van Mil‘m un de van de Kark van Suurhusen bi Emden. Man disse Toorn hett „blot“ en Neigungswinkel van 5,19 Graad. Allerdings steiht de Toorn ok neet freei, man is en Deel van de Kark. Wenn twee sük strieden, freit sük de Darde, dat is ja bekannt: Siet September 2022 hett en Wehrtoorn in Gau-Weinsheim in Rheinland-Pfalz de Titel.

De sien Neigungswinkel is 5,4 Graad. Dat is woll en heel Bült minner as in Mil‘m. Man uns Klocktoorn is neet as en „echt“ Toorn anerkennt, umdat he so knuustig boot is un so en kumpakt Grundplaat van 7,30 maal 9 Meters hett. Wo ok immer: De hoogste Segen hett he. Denn wo seggt man so mooi in Platt? Krumm un scheev hett Gott leev – Krumm und schiev hat Gott lieb.